Tingting longlong model bilong givim kaikai long ol rabis manmeri i gat planti hevi:
- Taim bilong bringim kaikai
- Shelf laip bilong kaikai
- Nogat frij
- Kost bilong storim kaikai
- Kost bilong baim na karim kaikai
- Lukim na save long ol manmeri husat i nidim helpim
- Distributim kaikai long ol dispela manmeri
- Nogat senis long dispela situesen – oltaim dependens
Sapos yumi ken stretim olgeta dispela hevi wantaim ol mani i stap pinis, tasol long narapela rot we bai stretim dispela hevi long as? Olsem wanem?
Sapos yumi kisim dispela mani na putim long wokim hen fam na agrikalsa long ol skul na skulim ol pikinini long mekim olsem? Hmm… lukim wanem bai kamap:
- Ol pikinini lainim long planim na kamapim kaikai bilong ol yet na bai ol inap mekim oltaim.
- Ol kisim kaikai i go long haus long olgeta de bilong ol yet na ol famili ol save long ol we nidim helpim.
- Kaikai i gat moa gutpela nutrition bikos ol kisim i go long haus taim i fresh yet.
- Nogat nid bilong storim o putim long frij.
- Ol pikinini i kamap olsem delivery mekanism na inap lukautim long painim ol husat i nidim helpim.
- Bihain long ol lainim, ol sumatin inap kisim starter pak long mekim olsem long haus bilong ol yet olsem ol inap long givim kaikai long famili bilong ol yet na no ken depend.
- Ol pikinini i kamap tisa bilong famili taim ol helpim famili long groim kaikai bilong ol yet long haus.
- I gat senis long situesen bikos kaikai i kamap planti, ol fam i kamap planti, ol manmeri i gat skill long givim kaikai long ol yet, na ol lain long lukautim komuniti bilong ol yet.
- Ol pikinini lainim wanem mining bilong wok hat, lainim bisnis, na olsem wanem long stap self-sapisin na amamas long wok bilong ol.
- Dispela model i ken wok long olgeta hap bilong kantri na long ol arapela kantri tu bikos i wok long komuniti level, regional level, na, long dispela rot, kantri level.
